ومن مصر كانت البدايه تيجو نفتكر بقعة الدم الى لسه على توب مصر ومش ممكن تزول وزى مذاقو من نفش الكاس هيذوقو من نفس الكاس من الفلسطنين والقضيه ابدا لن تموت والعرب دوما والى الابد صامدونوكتب صلاح جاهين رائعته ( الدرس انتهى لموا الكراريس )مسجلاً تلك المجزرة في ذاكرة الشعر العربي والأغنية العربية ولحنها الموسيقار سيد مكاوي ليحملها صوت الفنانة شادية :
الدرس انتهى لموا الكراريس
بالدم اللى على ورقهم سال
في قصر الامم المتحدة
مسابقة لرسوم الاطفال
ايه رايك في البقع الحمرا
يا ضمير العالم يا عزيزى
دى لطفلة مصرية سمرا
كانت من اشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والاستعمار
والدنيا اللى عليهم صابرة
وساكتة على فعل الاباليس
الدرس انتهى
لموا الكراريس
ايه رأى رجال الفكر الحر
في الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الاصلاح
راسم تمساح
بالف جناح
في دنيا مليانة بالاشباح
لكنها قلبها مرتاح
وساكتة على فعل الاباليس
انتهى الدرس
لموا الكراريس
ايه رايك ياشعب ياعربى
ايه رايك يا شعب الاحرار
دم الاطفال جايلك يحبى
يقول انتقموا من الاشرار
ويسيل ع الاوراق
يتهجى الأسماء
ويطالب الاباء
بالثأر للابناء
ويرسم سيف
يهد الزيف
ويلمع لمعة شمس الصيف
في دنيا فيها النور بقى طيف
وساكتة على فعل الاباليس
الدرس انتهى
لموا الكراريس
هذه بذرة مقالة عن التاريخ تحتاج للنمو والتحسين،
وشكرا
ليست هناك تعليقات:
إرسال تعليق